انصحوني

السلام عليكم اخواني
منذ ان كنا اطفال نحب بعضنا احببته لدرجه العشق ولكن لكثره المشاكل بين عائلتينا ولكوننا جيران وتدخل بعض الجيران الحاسدون انفصلنا ولكن حبي له كان مستمرا اقنعوه اهله بالزواج وتزوج والان لديه ابنتان عادت العلاقه بين اهلي واهله والان انا عندي علاقه مع زوجته علاقه صداقه وعلاقتي مع اخته الصغيره قويه جدا اراه كلما اتى لزياره اهله احبه لحد الان وابلغتني اخته انه يحبني لحد الان انا عمري الان 32 سنه ولم اتزوج بسببه لاني لم انساه على الرغم من اني جميله جدا واتعرض لاسئله احسها سخيفه من بعض الناس مثل
انتي حلوي ليش ما تتزوجين ؟او ليش ما تزوجتي لحد الان؟
اخواني انا احبه وهو يحبني ولكنه متزوج وانا احترم زوجته واحبها
لم اكلمه منذ زواجه اي قبل 8 سنوات لكن بعد معرفتي انه يحبني لحد الان جن جنوني انصحوني ماذا افعل؟

__________________
[عزيزي الزائر يتوجب عليك التسجيل للمشاهدة الرابطللتسجيل اضغط هنا]

مرحبا اختي
اني قريت كل الحجي مالتج
بس راح اكولج شي لمصلحتج
لدمرين حياة الولد ومرته وخصوصا عندة اطفال
ولدمرين حياتج وظلين اتفكرين بي شوفي نفسج ومستقبلج وانشاء الله ربي ايعوضج باحسن منه
ويوفقج بس لتخربين حياة الرجال لان حطي نفسج بمكان مريه ترضين انو زوجج يزوج عليج اكيد لا
وانشاء الله تستفادين من نصيحتي ومن النصائح الباقية

__________________
صدك من يجي الليل واشوف الدنيا ظلمة
اتمنى الهوى ايجيب اثر منك وشمه
...................
انت بروحي موجود شلون اتريد اعوفك
ماشوفك بالعيون اني بكلب اشوفك
.................

يا عزيزتي اقبلي نصيحتي من اخ اصغر
ان للحب اوجه كثيره منها حب اسعاد الحبيب وهذا في مثل موقفك هذا انت تعلمين انه سيدخل بمشاكل كثيره ان اصبحت علاقه بينك وبينه وانت اذا كنت تحبينه لا ترضين بذلك
هذا ناهيك عن الابنتين الذين لا يفضلين عن اي بديل عن بقاء علاقه ابويهما بافضل حالتها..
نصحيتي هي ان تتركيه وتسعي لاسعاده ويكون حبك له مثال للنبل بدلا من كثره الملامه التي قد تحصلين عليها جراء اي عمل قد يؤثر على علاقته الزوجيه

وليشوف بلاوي الناس تهون بلوته انت حالك اهون من حالي والله كريم

تحياتي

__________________

السلام عليكم ورحمه الله وبركاته

اختي الفاضله
الموضوع بيه شغله اسمها الحب
وانا مقدر ضروفك وكل كلمه قلتيها
صحيح انت تحبيه وهو ايحن الج
لكن هنالك فروق هو تزوج وانت
انتظرتيه لكن سؤالي لكي هل سوف تستمرين بأنتظاره
ولا امل له برجعه لكي
اختي العزيزه شوفي حياتك لان الحياه مره تجي ومتتعوض
ارجو منكي التفكير بعقلك قبل قلبك
لان قلبك سوف يؤدي الى مشاكل كثيره لا تعد ولا تحصى
ارجو منكي ان تكونين افتهمتي كلامي
مع تقديري واحترامي

__________________

اختي العزيزة اتبعي نداء قلبك لان الحب الصادق مرة وحده يجي بالعمر هذا اولا وثانيا انت موصغيرة ويعني بمعنى عذرا انو الي راح يتقدملج حتى لو حلوة اكيد راح يكون متزوج فليش متاخذين حب عمرج وتكونين سعيده وياه لو سعاده وهميه بس المهم تنتصرين وانت متاكده انو ماكو احد بدنيا راح يسعدج مثله لان هو حبيبج من الطفوله لاتضيعي من ايدج واكسبي مره ثانيه وخلي كلشي ورة ضهرج والشرع حلل اربعه لاتهتمين لكلام احد وعيشي حياتك واكيد انتي مراح تمنعي من زوجته واطفاله انو يشوفهم او يتصل بيهم لان الي يحب شخص يحب راحته ومدامه يحبج اتزوجي ولا تخلين هاي الفرصه تروح من ايدج

__________________
[عزيزي الزائر يتوجب عليك التسجيل للمشاهدة الرابطللتسجيل اضغط هنا]