بالله عليكم ساعدوني

مرحبا كل شخص وهمه وكم تختلف الهموم من شخص لاخر انا فتاة عمري لم يتاجوز السادسة عشر كنت اتمنى دخول الفرع العلمي في الدراسة ولكن شائت الاقدار بدخولي الفرع الادبي اختي اكملت السادس العلمي طب وقبولها في منطقة بعديدة اختي كانت من اغلى من في حياتي اما الخامس الادبي فكل يوم قبل ان ابدأ بالقرائةابكي واشعر بحزن عميق وهم ربما لو بقيت هكذا سيجدوني ميتة في فراشي ودموع على وجهي فانتم اخوتي اتمنى منكم مساعدتي بالله عليكم اعرف اني لست عضوة نشيطه ولكن لانكم عراقين مثلي فانتم من سيفهمني ارجوكم ان لاتدخلو وتخرجو من دون الرد

__________________

شكرا على طرحج المشكله واني رايي هو اكو ايه بالقران تقول بس محافظهه بالضبط وهي (عسى ان تحبوا شيئا وهو شر لكم وعسى ان تكرهوا شيئا وهو خير لكم ) يعني اختي يجوز الله سبحانه وتعالى راح يوفقج بالادبي لان بصراحه صارت ويه وحده من كرابتنه راحت ادبي بعدين كالت لا اني اريد اروح علمي كالولهه اهلهه لا ابقي بالادبي كالت لا وشوفي اشصار
من راحت للعلمي كملت سادس بس وين انقبلت انقبلت معهد !!! وهي شاطره كلش حزنت حيل وشسوت راسا امتحنت ادبي خارجي وطلعت الاولى عليهم وهي هسه ادرس بجامعه امريكيه وعدهه ماجستير علوم سياسيه وتكرف كرف فدربالج اصيرين مثلهه وتندمين بعدين

__________________
وَالسَّابِقُونَ الأَوَّلُونَ مِنَ الْمُهَاجِرِينَ وَالأَنصَارِ وَالَّذِينَ اتَّبَعُوهُمْ بِإِحْسَانٍ رَضِيَ اللَّهُ عَنْهُمْ وَرَضُوا عَنْهُ وَأَعَدَّ لَهُمْ جَنَّاتٍ تَجْرِي تَحْتَهَا الأَنْهَارُ خَالِدِينَ فِيهَا أَبَدًا ذَلِكَ الْفَوْزُ الْعَظِيم

عن الصادق عن ابائه عن علي عليه السلام (اوصيكم باصحاب نبيكم لاتسبوهم الذين لم يحدثوا بعده حدثا ولم يؤووا محدثا فان رسول الله اوصى بهم الخير
(المجلسي :البحار22/305-306

عزيزتي اني اكول تروحين ادبي هوايه احسن والشاطر يكدر يحقق الي يريده بأي فرع كان
وتره مو كل الي يدخل علمي يحصل طب وهندسه لان العلمي ممضمون اما الادبي مضمون ميه بالميه صدكيني اني طالبه سادس وتخرجت هاي السنه (اسأل مجرب ولا تسأل حكيم)ومو دائما الانسان يكدر يحصل على الشي الي يحبه هاذي هي الحياه لازم يكون بيها تنازل حتى نعيش مرتاحين
واكيد رب العالمين كاتبلج بيها خير وباجر تشوفين
ولتجيبين سيره الموت بعد الدنيا كدامج والحياه متوقفت على الفرع الادبي ...اهتمي بدراستج وتوكلي على الله


ويارب النجاح والموفقيه

__________________
[عزيزي الزائر يتوجب عليك التسجيل للمشاهدة الرابطللتسجيل اضغط هنا]


One Of Some Thing I hated in You That You Made Me Love You

شكرا اخي العزيز توفي الرسام واختي العزيزة سكروتة والله انتم بعثتم في نفسي الامل الذي كنت افتقده وراح اتوكل على الله واكمل مسيرتي واشكركم جزيل الشكر

__________________

حبيبتي الأدبي شبي همة زين وكملي دراستج لأن الله كاتبلج خير بي وانتي ماتدرين اني علمي وكنت شاطرة ومتوقعة امتحن واطلع صيدلة تالي طلعلي علوم بابل فالحمد لله على كل حال لأن صدقي بالله لن يصيبنا الا ماكتب الله لنا واتمنالج النجاح والموفقية والتفوق

__________________

كل الي اريده هو ان استرد قلبي

اختي العزيز قصتكي تبكي كل من يقرائها
اختي العزيز انتي تدرسين الادبي والادبي مافيهي شي
طلعي معدل عالي وان شاء الله تحصلين على كلية القانون وهذه من احسن الكليات
فلا تحزني اختي العزيز

__________________
*
الى رحمتة لله يا سيد عبد العزيز الحكيم (قدس)

اسمعي اختي العزيزة ماكل ميتمناه المرء يدركه
تجري الرياح بما لا تشتهي السفن
احنة العراقيين تعودنا ان نتغلب على الظروف الللي تواجهنا بأي الأشكال فآني حسب رأيي انه احتمال دخولج الأدبي بي فائدة الج انشاء الله ولاتيأسين من رحمة الله ونتمنلج الموفقية والنجاح الدائم ولكل العراقيين اخوج الفتلاوي

شكر لكم اخواني الاعزاء والله اني لان اشعر انكم اخواني لهذا عرضتلكم مشكلتي وفعلا انتو اخون وقفتو وياية وقت الشدة اشكركم من كل قلبي ويارب الموفقية والنجاح للجميع

__________________