السلام عليكم .. ممكن تساعدوني بحل مشكلتي .. ؟؟

هلو
شلونكم شباب وبنات

أني بنوتـه عمري 18 سـنه .. من بغداد
اني بحياتي مجـنت ملـتزمـه بكلامي او صـادقـه بوعودي
دائــما جنت اخذ الحياه بمـزح واعتبرها لعب وشقه وضحك وونسه وبس
..
شكد سمعت نصاايح وارشادات من المقربين اللي
بس عمر النصايح ما فادت بيه
ولا كلام المقربين غيرني
لان اني جنت عنوديـه الى درجة متنوصف
..
فتره من فترات حياتي .. وقبل مدة اكدر اوصفها بالقريبه اتعرفت على شخص
هذا الشخص اكبر مني .. وهو حاله حال غيـره .. أعتبرني شي يتسلى بيه ويضيع وقته من خلالـه
وبنفس الوقت اذاني الى درجـه
واني رغم انه الاذيـه من استحقاقي بس اني متوقعتها منـه ابــد
ولا تصـورت انه هذا الانـسان الي شدني اليـه بكلامـه المميز وشخصيته السحرتني ممكن يفكر بأذيتي
ويشوه صورتي بدون ما يفكر بالاذى النفسي والعقده الي ممكن تتولد بداخل بنية بعمري

المهم .. اني اختفيت من حياتـه وهو نفس الشي
وحاولت شكد ما اكدر انسى وانسى اذيته

بس مشكلتي مدا اكدر
مشكلتي كل ما اسمع بأسم يشبه اسمه او تجي اي سيـره .. أتذكره
والكارثـه انه اني ما اتذكر اذيته .. الشي الاتذكره هو كلامه الحلو وشخصه الساحر
واتذكر دفو صوتـه وكل الامور الخلتني اتعلق بيه
..

اني حاسـه بألم مو طبيعي بداخلـي وحاسـه انه اني اتغيــرت هوايـه
واحساسي صحيح .. لان حاليـا اني عاجزه عن اي شي جنت اسوي قبل ..
يعني الامور الي جانت اسهل من شرب المي بالنسبه الي هسه صارت عيب جبير
والاشياء الجنت استلذ واستمتع بيها .. صارت من اخر الامور الي ممكن تخطر على بالي
بس احس انه هذا التغير اذاني اكثر مما فادني لان خلاني انسانه كئيبة ومجروحـه وحزينه طول الوقت

ما اريد اطول عليكم اكثر
بس اريـد منكم تدلوني على اي طريق يرجعني لحياتي الطبيعيه
ويرجع البسمه لشفافي لان اني متأذيه هواية ومدا اكدر انسى هذا الشخص
ولا دا اكدر اواصل حياتي مثل كل الناس


منتظرة الرد
وممنـونه مقدمااا


تحياتي
انا

مجهولة الهويـه

هلو بيج مجهولة الهويه
والله قصتج حيل حزينه وصعبه وهوايه ناس مارة بيها
حبيبتي نصيحتي الج اقري قران وادعي من الله ان يخليج تنسيه
واشغلي نفسج بأي شي ولا تخلين عندج وقت فراغ
وع طول الهي نفسج بشي وشوفي حبيبتي اهم شي مستقبلج
خلي هدف بحياتج و اسعي بالوصول اله
وان شاء الله بعد ترجعين مثل اول واحسن
اتمنى تستفادين من نصيحتي
تحيتي لكِ
فراشة العراق

__________________

السلام عليكم اختي اول شي مشكلتك صعبة
واني اتمنى الك ان تحليها وتخلصين
المهم الولد بصورة عامة مخادعين والمشكلة الاكبر البنات يصدقن بكلام الولد من اول مرة
وهذا من الغريزة عند النساء ............
اخذي هاي النصيحة من ولد لا تصدقين بكل ولد من اول مرة....ولا تبجين على خائن او واحد
نصاب .....مثل ما كالت الاخت فراشة حاولي تعملين بالي قالته والله كريم.. وترة اني عمري هم 19 يعني الفرق مو هواي بالعمر فاعرف شيدور ببال الشباب..........واتمنالك الحياة الكريمة والعفيفة والعزيزة والسعيدة ولا تندفعين زايد وبسرعة مع الشباب الي يريدون يتعرفون عليك ........

__________________

NO ONE CAN FIND ME

الى مجهولة الهوية اطلعت على كلماتكي واقول ان في مثل عمركي فهذا الشيء محتمل الحدوث لانكي تشعرين انكي اصبحتي ناضجة من كل الجوانب ومن حقكي ان تبني حياتكي على ما تشائين المهم ليس النسيان فكما تقولين تذكرين الاوقات الجميلة لذلك من المستحيل النسيان لكن ان اعتظتي من هذة التجربة فسوف تحسبين الاف الحسابات قبل الدخول بعلاقة اخرى لاننا نتعلم من الدنيا اكثر مما نعطيها وكذلك كما قالت فراشة العراق قراءة القران تنقية القلوب وتطهيرها ولا تتصوري ان كل الرجال نصابون ومحتالون كم قال مختار فمنهم من يقدس المرأة ومنهم من يعتبرها جوهر الحياه انا السلطان اقول رأي ولو كان فوق منفعتي عسى ان تستفادي من كلامي وتتدارسيه في رأسكي يا مجهولة الهوية

__________________

الحل سهل انسي الشاب بقراءة القران والصلاة وادعي الله سبحانه وتعالى ان ينسيكي هذا الشاب والله كريم

__________________