مشكلتي

هلووووو
شلونكم اني عضوه جديده وياكم اتمنى اتواصل وياكم بس اني اليوم كلش ضايجه وحبيت اخذ رايكم بأهم خطوة بحياتي ...
اني احب واحد اكبر مني 11 سنه هو كلش حباب وخريج جامعه بس مو من طائفتي !!! (( مشكله المجتمع والاهل ))) ومستعد هسه يتزوجني اذا اكوله تعال بس هو ليهسه مايندل بيتنه واني خايفه ادلي بيتنه مااعرف ليش خايفه واني مو بس احبه انما هو انسان اذا عشت ساعه بدون ما اسمع صوته اعتبر نفسي متت ساعه حبيت اخذ رايكم شاسوي؟ ابقه وياه لو اعوفه واموت ؟ هو همين يكول يحبني كلش ويوميه يريد عنوانه حتى بس يجي يحجي ويه اهلي بس اني مدا انطي واني كلش واثقه بي لان هو ابويه وحبيبي
ياريت تساعدوني

حبيبتي انتي
مدام انتي تحبيه وهو يحبج ومتاكده من حبه
وانه راح يخطبج
دلي بيتكم
اني لو بمكانج مااعوفه
وهو اذا يحبج يتحمل

شكرا بنوته على ردج بس اخاف من يرفضوا اهلي يكرهني ويعوفني لان اني متاكده اهلي يرفضوه لان هو مو مثلي اني واهلي يعني متعصب دينيا اني حبيت اخذ رايكم لان كل صديقاتي لاموني على حبه وكالولي مايفيدج علمود اكبر منج بهوايه ومو من طائفتج تتوقعون نعيش سعداء اذا اتزوجنه؟؟؟؟

السلام عليكم ....... بدافع الاخوة حبيت ان اعرض وجهة نضر ارجو ان تتقبلوها مع كل احترام ....
1. ان كنت تحبيه وهو فعلا يحبك هاي شغلة ايجابية +
2.ان كان مستعد ان يتقدم للخطبة اي انه صادق في كلامه وهاي شغلة ايجابية+
3.انت تخافين ولست متأكدة ان اهلك سوف يرفضون هذا الشخص لاسباب اجتماعيةوهاي شغلة سلبية بقدر ما هية ايجابية اي انه انت غير متأكدة من رفض الاهل فبل امكان ان يقبلو واحتمال ان يرفضو +-

4.والشخص ان كان لا يتعيب خلقيا ولا اخلاقيا وفيه مواصفات الزوج المناسب (حال ومال) هاي شغلة ايجابية +
5.الرجل الذي انت على علاقة معه لا يعرفك 100% مو بس يعني قصدي تتكلمين معاه عن نفسج لا عنج بشكل عام وليس خاص وهاي الشغلة -
6. الرجل اكبر منك ب 11 سنة وهاي اعتقد فارق جدا كبير وهاي من السلبيات -
.................................................. .................................................. ................
اعتقد ايجابيات الرجل اكثر من سلبياته ..................
وا اعتقد انه لو تقدم لكي والاهل نضرو في امره ما اعتقد راح يرفضون
وهو نفس ما تقولين الرجل شاري ..... فبعد شنو اللي الة داعي لكن قبل كل شي يجب ان تمهدي الطريق للاهل بانه الشخص الفلاني او تكلمي مع الام بان هنالك شخص يريد ان يتقدم ولكن لا تذكري اي علاقة ....... ونفس ما يكول ............... اللي بي الخير الله يقدمة ........... وقسمتج ما تصير لغيرج ارجو ان تكوني استفدتي من هاي النصيحة لكن مو تاخذيه 100% لكن هاي نصيحة والسلام

بالبدايه اريد اشكرك كلششششششش هوايه على حجيك
بس سلبيات الموضوع متساويه ويه ايجابياته واني مستحيل اكول الامي عليه بس الي دا افكر بي راح اكون سعيده ويه واحد اكبر مني بهلكد سنين وراح اكدر ااقلم نفسي بحياة محافظه باب البيت حرام اطلع وحدي ولبس كله على ذوقه ومزاجه (اقصد البس جبه)؟؟؟؟؟؟؟؟ الحب حيخليني اصبر؟

شكرا على ردك بس والنبي صار من البارحه صافنه باسمك وماعرفت اقراه ههههههه المهم مشكله الحجاب تختلف عن مشكله اللبس الكلش ملتزم يمكن صعب الالتزام !!!!!!!!!! ولبس مو متعوده عليه؟
بس والله حلو رأي ميثم كالي سلبيات وايجابيات فادتني بالتفكير ( دكتور فيل ما استنتجها ))
تحياتي الكم

اكول حبيبتي عادي اطي العنوان
والي بي الخير يسوي الله بعدين هسه كل بنيه تتمنى يتقدملهه شاب ملتزم وماكو احلى من لبس الجبه هو استر للأبنيه برئيي بس انو متطلعين البيت شويه صعبه

اما من ناحيت العمر ابو المثل يكول اكبر منك بيوم افهم منك سنه عادي اني اشوف العمر

والي بي الخير الله يسويلجيا ان شاء الله

__________________