لتساوين واحد غيرته السيف

لتساوين واحد غيرته السيف
وي واحد جبان ومبدئه رچيچ
وشجاب الگعد يا روحي الغروب
على واحد گعد وي صيحت الديچ
فرق بين اليدگ الباب ويفوت
وبين الي يفوت امنشبابيچ
وشمالچ يروحي ما تفرقين
بين الي يجرحچ واليداويچ
طبعچ ليش هذا وما تبطلين
تضحكين بوجه حتى اليأذيچ
أمس من طاح يمچ أنتي شلتي
وجسر صرتي الجروحه وعبرن اعليچ
أمس صرتيله عين الچان ميشوف
ولمن شاف راد بسرعه يعميچ
أمس صرتيله شمعة بوحشت الليل
وأجاچ اليوم نفسه يريد يطفيچ
يروحي شگد لويتي الخاطره چفوف
ومن شافچ تعبتي يريد يلوچ
صحتي وما أجاچ وأنتي يا روح
رگض ترحين اله ابلا ما يناديچ
وسط النار طبيتي ونقذتي
وهسه الجمر بيده يريد يچويچ
منعنده الحمل يا روحي شلتي
وهو ايزيد حملچ حتى يحنيچ
ما ناسيچ هو ولا تأمنين
بالحط سيفه بيچ وراد ينهيچ
متيقن يذكرچ وانطي برهان
لأن غمض اعيونه وگال ناسيچ
نعم ضحكچ هو سنين وسنين
وصحيح السانه صافي من يحاچيچ
ولكن مو نضيف اگليبه والله
يا روحي النضيفه يريد يعديچ
وهذا اخر كلامي وياچ يا روح
والتزمي بكلامي الله يخليچ
وره الضحكچ لا تمشين يا روح
وركض روحي يروحي اعله اليبچيچ

__________________
ماعلموك ؟! ان الغلا يجرح الروح ! وانا على فرقاك .. تنزف جروحي !!

رائع جدا اخي عاشق روما
مفردات شعبية رائعة
وقصيدة تنضح باللطافة والجمال
ننتظر المزيد من ابداعك بشوق
تقبل مروري وخالص تحياتي

__________________

مشكور اخي محمد
على المرور الجميل
مرورك اعطى جمال للموضوع

تسلم

__________________
ماعلموك ؟! ان الغلا يجرح الروح ! وانا على فرقاك .. تنزف جروحي !!

شكرا على الموضوع

__________________

شكرا على الكلمات الجميله
عاشنت الايادي
تحياتي

__________________

وسط النار طبيتي ونقذتي
وهسه الجمر بيده يريد يچويچ



الله الله عاشت ايدك

__________________

شكررررررررررررا على الكلمات الروعه عاشت الايادي