السلام عليكم
جبتلكم مجموعة زهيريات
اتمنى تنال رضاكم
وارجوا المشاركة
ابعث اشواكي مع الراح ومع اليجي
للي ترك بالكلب نارن معاليجي
ياعين غمضي الجفن هيدي ومعاليجي
اللي نوده جذب مايوم ودانه
ابصده كتلنا كتل للموت ودانه
كلمن وليفه معاه يشوفه كل دانه
واني ابتليت بهوى مرد معاليجي
*********************************
عدني بحبك على اقرب امل عدني
وعدني بشوفك عليش بجذب واعدني
عدني كأني طفل راضي انا عدني
شوكك بكلبي نما واكمل اساسه وعمر
وعدلت وياك اني لحد عدالة عمر
امنيتي لحظة نكف تكفيني طول العمر
بس عايدني اجا العيد ما عيدت عايدني
************************************
ما مرة كلبي سلاك وصار من كلبي
وكلما اذكرك احس اشتعل من كلبي
سنين واني على جمرك ومنكلبي
انثر ادروبك ورد والكاك بؤسي انته
ومحد سكن هالكلب يازين بس انته
اني الهويتك شلعت العين بس انته
صديت عني وشلعت عروك من كلبي
***********************************
حسنك كتلني وصرت لفراش ملازم
حيث الذي كابلك يلبس درع لازم
لازمني حبك مثل لزمة خبل لازم
واني ولا ينوصف حبي وولاعي بيك
غالي علية تظل انت والاعيبك
انته يازين النبأ تدري شنو عيبك
مشكلتك انت حلو زايد عن اللازم
*************************************
كصت شعرها الخلك بس مو مثل كصتك
وما شفت بين البشر طولك ولا كصتك
جن انته والا انس كلي شنو كصتك
عجبني طيفك معاي يبات عجبني
وكلما اروح بدرب الكاه عاجبني
تدري شنهو الفنني وبيك عاجبني
عاجبني كللك حلو من جدمك لكصتك
****************************************
اتمنى اشوف ردودكم
وبالمناسبة هذه الاشعار
راجعة لشاعرنا المتألق
مالك الحزين
06-23-2009
مجموعة من اروع الزهيريات 
العرض العادي
