كتاب سري للغاية

الصميدعي · #1 (**permalink**) 06-29-2009

>>> كتاب سري للغاية<<<

احبك حيل احبك وارد اسولفلك بس كون الحجي ابيناتنه يضل سر

فتحت اني الكتاب السري للغايه ومنك ياحبيبي هواي اتشكر

لان اول رقم بالصادرة انطيته والمعنى اعرفه وماكول انه اكثر

من شفتك لكيت انه بجيتك روحي وكبل جيتك جنت ناعور بس افتر

احجيلك عكس مابيه صدكني وآني بداخلي نيران تتوجر

اكلك مثل اخوي ونار تجويني وعلى كل العواطف اني اتستر

لان تدري بضروفي وزين عايشه والمثلي ضعيف يصير مايكدر

سجل الوارد العندي رقم مابي ومختوم الكلب واعليه شمع احمر

وحراس اعلكلبي ويمي يفترون وبالك يحس واحد بيك واتحذر

بيت البي سكن هذا الكلب ملغوم وعلى لحظه من وحدة يتفجر

احبك مثل اخوي احجاية التنكال بس تدري الكلب ماشاب بعده اخضر

كتابك جان مسودة وطبعناهه وكبل يومين امرك جاهز محبر

عمر بلا حنان يصير ليل اظلم وعلى لحظة العمر منعندي يتطشر

محتارة الاجدام بيا درب تمشي وكل درب التهم عليه حفر وانكر

عاثور الدروب وسجتي مزلاك ومدري بيا حجارة اتكربح واعثر

بيت الشفته مبني وحايطة مسكوف من تمطر الدنيه اتوقع انت ايخر

وجرف الشط صعوبة ادوسه بجدامك جاليه غميج وبالعجل يكسر

ولنك باكرار ومحد يطلعك تشبع ضيم منه وتشبع اتمرمر

ومومرة شكثر مرات سواهه جرف الشط تراه بصاحبه يغدر

ودنية الطالعه بيه النجوم اشكال على لحظة تغيم بالعجل تمطر

سيف الماطلع من غمدة يمكن يوم من تحتاجة تلكاه ابداخله امزنجر

وكون انت حليم ابين هذا وذاك واحسابك رياضي من تجي تقدر

***********************

** مماقرأت **

همس الخواطر · #2 (**permalink**) 06-29-2009

سرك في بير ايها الصميدعي
هههههههه
ابداع في الشعر
دامت ايامك ببهااااااء الحب

الصميدعي · #3 (**permalink**) 06-29-2009

واااااو

مرور اكثر من رائع

ابوعبيده · #4 (**permalink**) 06-29-2009

اي والله سرك ا بير
ههههههه
يسلمووووو كلمات روعه

تحياتي الك

ァҗ ஓبقــايـا كـبـريــاءஓҗァ · #5 (**permalink**) 06-29-2009

والله رووووووعه
شكرا على الشعر الجميل والراقي
تحياتي

رجل له ماضي · #6 (**permalink**) 06-29-2009

عبالي اقول لك مثل ماقل سابقين في التصويت ولكن الامر نباح امام الاخرين لان صار يحتوي على اكثر من ثلاثة اشخاص صار مو بير صار بحر
ههههههههههههههههههههههههاي
تحياتي على موضوع الاكثر روعة

المهندس
الشمري

عذرا نيوتن انا سر الجاذبية · #7 (**permalink**) 06-29-2009

موضوووع جميل روووعة سررررك سررر ههههههههههه

الصميدعي · #8 (**permalink**) 06-30-2009

شكرااااا ع المرور المميز
والرائع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

.::إعلانات الموقع::.

كتاب سري للغاية

منتدى الشعر الشعبي