في لحظه من اللحظات اللي كنت احس فيها بطفشن شديد بعد ماقمت من النووووم .. ويا الله اشيل نفسي رحت يمين ويسار ادور شي يسليني ..
وطاحت عيني على الـ "تلف عيون" ..... اقصد "التلفـ زيون"
أدور شي اتفرج عليه
الســاعه 10:30 م
وانا متحمسه واتابع البرنامح وفجأه يطفي الـ TV وطفى معه الكهرب كله .... يعنيي وش
انقطع الكهرب < يووووووووووووووووووه
قعت خمس دقايق في الظلمه .. دقيقه ورى دقيقه وقلبي يدق أكثر من الرووعه
البيت فااضي مافيه الا أنا و .......... المدام "كوماري"
وانا اخاف واناديها باعلى صووتي
- كوووووووومااااااااااااااااري
البيت هدوووء
- ( بصوت أقل من الأول ) كوومااري
ماافيه رد ماسمع الا صدى صوتي
- ( بصوت أهدى .. الى مااختفى صوتي) كوومـا..ري
مااحد يرد " يممممه"
هي الحين مالقت تنام الا بهالوقت . طيب أنا وش اسوي الحين
اكره اقعد بالظلمه لحالي
كلهم طالعين لما كنت نايمه
واقعد اتحسس جنبي ابي اشوف لي طريق عشان امشي ابي اطلع من هالغرفه < تخووف
وانا المس شي برجلي ... لااااا مااصدق اخوي نسى جواله
لا ااا .. اليوم مو طايح حظي
واقعد ادور بالأسماء ادور رقم أمي
وادور وادور وابحث .. "مافيه أمل مالقيته"
واكتب بالبحث "أمي – الوالده – الأهل - البيت – مامي – ماما"
ماااافييه أمل مالقيت رقمها
بعد عناء وبعد ماتفلت العافيه وبغيت اكسر الجوال
أخييرا لقيت إسمها
7
الخفــاش الأســود < "قليل أدب هالولد مايثتحي"
وانا اتصل عليها ........ ماترد .. مرتين ثلاث ... مااترد
وادور رقم ابووي .. وابحث واخيرا لقيته
7
شـــارون
واتصل علييه وهو بعد ماايرد وش عندهم الشبيبه ابوي وامي
وانا اتركهم
واروح واتصل على "ضحايا شارون" > أخوي الكبير
وهو يرد...
- ويينكم مااتردون علـــ ـــي أنا .. أنا ..مــ ــن اليوووم .. اتــ .. اتــصل على امي وابوي ومااحد ........ واااااااااااااااااااااااااااااا "واقعد ابكي"
- بسم الله ارحمن الرحيم وش فيك
- وينكم مافيه احد بالبيت وين رحتم
- طلعنا نتمشنا وشفناك نايمه قلنا نخليك
- بعد ... بعد... طلعتوا تتمشون وتركتوووني
"جا بيسكر"
- يلا تبين شي .. تراك ازعجتيني
- الكــهرب طاااااااافي .. وانا لحالي .. وظلمه والمكان يخووف
- (يتطنز علي) ياوييلك الحين تجي قطووه كبيره سوودا وتآآكلك
- وجع يوجعك يالباايخ ..تعالوا بسررعه والله خايفه مافيه احد بالبيت والبيت شكله يخوف وهادي
شوي واسمع صووت
"مياااااااااااااااااااااااااااو"
وانا اللي ينخرش قلبي
يااااااااااااااااااااااااااااااا ( وانا احذف الجوال وانحااش)
واركض لغرفة الشغاله وافتح الباب
كوووماااااااااري .. وانا احضنها .. ضميتها كأني "طفلن صوووغاير لقى اميمته"
افففف انتي وهالريحه الخايسه
وانا ابعد عنها
- كووماري ووجع . كم مره قالت لك ماما لاتقطعين بصل اذا جيتي بتنامين .. تبين تصحين وتفوحين علينا بريحتك
وهي تفز من نوومها وتقووم وتقعد من فراشها وتلفت يمين ويسااار من الرووعه وتقول : ايس ايس فيه
ووشوووشتها هذا كبرها روعتني كنها ميت طلع من قبره
وانا طالع فيها وانا مفهيه .. "اللهم اكفنا فيهم بما شئت .. اللهم سكنهم مساكنهم"
- قلت لا ابد سلامتك ارجعي ناامي
بس كووماري . هذا كهرب مافيه .. وتحت فيه قطوه معلوم انتا قطوه مياو
- ايس هداا انتا بيبي .. انا ابقى نوووم .. يلا انتا رووه
- خلاااص نامي . وانا ارمي خشتا على فراشها وارمي عليها غطاها ... واقعد عندها يقال انها بتحميني
خمس دقايق الا واسمع صوت امي وابوي واخواني والعايله الكريمه تحت
واررركض لهم .. وانا انزل عندهم
ولما شفت امي .. فقدتها
"يمممه .. وانا احضنها" بغيت اكسر ظهرها خخخ
وهي تدفني عنها "انقلعي"
- أطول مني .. طوييله هبيله.. وخايفتن من الظلمه
- يمه وش اسوي والله يخوف المكان
- وفجأه يشتغل الكهرب
كللللللوووووووووووييييييييش
ويجي اخوي الكبير وفاطس فطسه من الضحك يقول
- اقسم بالله انك نوووكته .. اجل خفتي من القطوووه هااه
بالله وش بيجيب القطوه في البيت
- (وانا احمق) يعني أنت اللي قلت مياو وانا اكلمك
- ههههههههههههههااااااي .. اهههوووووو
- مردوووووووووده ان ماخليت شارون يذكيك
- لاااااا عاااااد تكفين .. كل شي ولاا الوالد الموقر
- اجل تلاايط ولا اشووف خشتك ويلا رح الحين رح جب لي عشاء من المطعم
- ابشري طال عمرك
06-30-2009
يوم انقطع الكهرب 
رد: يوم انقطع الكهرب 
.gif "Eh S(2)")
.gif "Eh S(21)")
.gif "Eh S(20)")
العرض العادي
