اصل بعض الكلمات العراقيه ..

مــــــــرحبا

اكيد انتو فكرتو بيوم من الايام ببعض الكلمات العراقيه اللي نتداولها ومنعرف من وين اصلها

اول كلمه واحلى كلمة واللي تميز لهجتنا هي شنو .. كلمة أكوووو

خل نشوف شنو أصلها

أصل كلمة أكو العراقية الشهيرة مندائي بالمعنى نفسه

فيقولون ”اكا هيي اكا ماري اكا مندا دهيي“ ومعناها ”الحي موجود سيدي موجود عارف الحياة موجود“.

ويعتقد مؤلفا القاموس المندائي (استناداً إلى رأي عالم الساميات الشهير نولدكه) أن أصل الكلمة هي
”أيث + كا“ ومعناها ”الذي يوجد“ أي الموجود،

ويذكر الأستاذ علي الشوك أن أيث تقابل ”أيس“ بمعنى يوجد في اللغات السامية { واحنه هم احياناً نكول أيش ، مو حرف السين بالساميه يلفظ شين بالعربيه }
و ”ما كو“ بنفس معناها العراقي الشائع، أي لا يوجد.

الكلمة الثانيه : كلمــــة نشله { ترة بس العراقيين يكولون عالانفلاونزا نشله}
خلي نشوف اصلها

من الكلمات المندائية للدلالة على الرشح (النشلة) نجد كلمة ”نشرا“. ونلمس في اللغة المندائية ظاهرة إبدال اللام بالراء (مثلاً ترميذا مقابل تلميذ، أو لفظ الكلمة الفارسية سوراخ على سولاخ، وتعني منفذ أو معبر).

المصطلح الثالث : هو ال ( لك ) وال ( لج )

ونرى بأن أصل كلمة ”لَك“ و”لِـﭻ“ هو من بقايا القواعد الآرامية.
ففي السريانية يجري إضافة ت + ضمير متصل إلى فعل الأمر لتوكيد الفرق بين المذكر والمؤنث المخاطَبين. مثلاً ”أتالاخ“ أي تعال.
وتوجد القاعدة ذاتها في المندائية ولو بنطاق ضيق: ”قوملاخ“ أي قم، و”قوملِخ“ أي قومي. ويجري في العامية العراقية والشامية إضافة واو لتصبح ”ولك“ وقد تسبق الفعل أحياناً وأصبح لها في اللهجات العراقية معنىً سلبياً فتستعمل للإهانة في بعض الأحيان، وليس فيها شيء من هذا في الأصل.

كلنا نستعمل مصطلح ( هطر ) يعني ضرب و ( طم ) يعني دفن و ( نكرة ) يعني حفرة و ( شبج ) يعني اختلطت الامور
خلي انشوف شنو اصلهن

هطر: أي ضرب، وفي المندائية ”هطر“ بذات المعنى، وهو مطلق الضرب حسب القاموس المحيط. ومن المثير اقتصار استعمال هذه المفردة على بعض مناطق العراق دون غيرها.

طم: أي طمر، وفي المندائية ”طمم“،بمعنى دفن وقد تكون الجذر الثنائي للفعل.

اشتقت النـﮕرة أي الحفرة من الفعل السامي الشائع ”نـﮕر“ أي حفر.

شبـﭻ: أي لخبط وخلط وشوش، في المندائية ”شبش“. ويقال الأمور شابـﭽـة أي متعقدة. وقد ابدل الباء بواو ”شوش“ ومنها التشويش، ولا نعتقد أن أصله الفعل العربي شبك والعبري ”سبك“.

وغيرها الكثير من المصطلحات هاي اخذت نبذه بسيط منها

تعرفون احلى شي بالعراق انو كل دين وكل مذهب وكل طائفه عدها بصمه سواء باللهجه او بالاماكن الاثريه والدينيه .. العراق يستوعب الكل

وكلشي بي للكل مو لواحد ولا لأثنين

واتمنى يعجبكم الموضوع وتحبو

__________________

__________________

والله زين .. والله العظيم اليوم اني كنت ابحث عن هيج كلمات وعن اصلها ... مثلاً ( عَجَل , لَعَد , ... ) ... شكراً على الموضوع

تعرفون احلى شي بالعراق انو كل دين وكل مذهب وكل طائفه عدها بصمه سواء باللهجه او بالاماكن الاثريه والدينيه .. العراق يستوعب الكل

وكلشي بي للكل مو لواحد ولا لأثنين
موضوع رائع شكرا لكي

__________________

يسلمو ع الردود الحلوة

__________________

تسلمين ياوردة موضوع جميل ورائع
دمتي على هذا الابداع
تحياتي لكي

__________________

مهما غبت عنى جوه قلبى صورتك

وكل يوم فى بالى وعلى لسانى سيرتك

{أحبـك}

يسلمووووووو على الموضوع

__________________

[عزيزي الزائر يتوجب عليك التسجيل للمشاهدة الرابطللتسجيل اضغط هنا]